أزعلتني .. وأزعلـت روحـك وقفيــت *** وأشغلتني .. مـن بعد ما أقفيـت عنــّي

وضيـّقـت صـدري .. وإنجـرحت .. وتأذيـت ** وأقـول في نفسـي يا ليـت .. ولـو إنـي

ولازادت الضيقـة .. على الصدر .. غنيــت *** وتسابـق الونـّات صــوت المغنـى

وبكـاك قلـب .. ومـن بكـاء القلـب .. بكـّيت ** عيـون محرجهـا البكـا .. وأحرجنــني

وحاولـت أخبـّي .. قـل صبري .. وظنيت ** إني شديد .. وخيّب الدمع ظني

وأرسل عليك البيت .. وأضيّع البيـت ** ويجااوب الطااروق .. تسعين جنـّي

يمكـن؟ . أنا نسيت نفسي وتمااديت *** ويمكن ؟ تكون بصدتك تمتحني

ويمكن لأنك من عروقي تقهويت *** تبي تجرّب كيف هيلي وبني

ويمكن دلعك .. أثر عليك وتعديت *** ويمكن تبيني من ضحااياا التمني

ويمكن سؤال .؟ وباالجواب إستعديت *** على إحتفاظي بالإجاابه لأني.؟؟؟

أبيك تعرف شي واحد .. وياليت *** تصـدّقه .. لاصار مبدااه مني

أموووت بك حييِِ .. إذا بالغلالا جيت *** وأحيااك مووووت إن كاان قفيت عني

شي عادي انك تجي وتوصل اعجابك
بس انت ما تدري انك جيت في وقتك
مريتني والنعاس يغازل اهدابك
كنك عرفت لمزاجي لين وافقتك
يوم الزمن جا يصلح غلطته جابك
ويوم انت مثلي تحب الصعب رافقتك
تايب عن الحب لكني من اسبابك
حطيت رجلي على دربه وسابقتك
الحب ماله خوي لو كثروا احبابك
شفني من اربع جهات الحب طوقتك
تعال مثل الوهم واتركني اشقى بك
عشان اقول اني احلم وحققتك
الليله العشق جايبني على بابك
ماكني البارحه شفتك وعانقتك
لو اقدر اهد حيلك واحرق اعصابك
إن كان دورت لي حجه وفارقتك
وسعت صدري عليك وجيت بعتابك
ولو ادري انك تحب الضيق ضايقتك
ما قلت لك غير احبك واكره غيابك
من يومها قلت لي شاعر وصدقتك
هذي قصيده عشان تواصل اعجابك
يوم اختصرت الزمان وجيت في وقتك

محتار مدري ويش اقدم هدايا
اعطيك عيني اوتبي قلب وشعور
آمر حبيبي قول اذا مو كفايه
خذني هديه وياعسا مابها قصور



تدري يا سبة فرحتي وياهنايا
لما اشوفك انت راضي ومسرور
قلبي يطير ويقفي عوج الحنايا
شف كيف حبك خله هالقلب عصفور




من يوم شفتك صرت اشوف المرايا
الكل عادي والحلا فيك محصور
وان قالو مغرور انا عذري معايا
دامك حبيبي كيف ماصير مغرور

محتار مدري ويش اقدم هدايا
اعطيك عيني اوتبي قلب وشعور
آمر حبيبي قول اذا مو كفايه
خذني هديه وياعسا مابها قصور

من القلب


قال الغلا ؟ قلت الغلا ما بعد مات

فالنايفه شامخ ولا هو بقاصر

قال المشاعر ؟ قلت هيهات هيهات

كلي مشاعر يا رقيق المشاعر

والحب كيف ؟ وقلت سرّاق بسكات

سيفه على العشاق ينهى ويامر

قال الفراق ؟ وقلت مابه سلاامات

يا شين لهفات الحبيب المسافر

قال الصبر ؟ قلت الصبر فيه لوعات

انشـد وانا اللي خابرٍ فيه خابر

قال الوفا ؟ قلت الوفا خمس كلمات

عهد ووفا واخلاص والشوق حاضر

قال الخيانه ؟ ثم جريت ونات

سمٍ ذحاح برووس طعن الخناجر

قال الليالي ؟ وقلت حلوه ومرات

راجع ملفاتك ووشوف الدفاتر

قال الامل وينه ؟ وتليت الآهاااات

على الامل باقي حبيبي وصابر

قال الهوى ؟ قلت الهوى سهام عجلات

جيش وسرايا وليل كله مخاطر

قال انت ناسي ؟ وقلت في كل الاوقات

ينبض خفوقي وصورتك بالمحاجر

بالعرق لك بالدم روحه وجيااااات

سكرت عن غيرك جميع المعابر

من بيننا ما حال طول المسافات

والحظ شامخ فوق ما هو بعاثر

قلت العفو يكفي من الوقت لحظااات

الليل طال ونحتري شوف باكر

لا تاخذك شكه بدرب المتاهات

للصبر نقوى وانت للوصل قادر

يا حاضري ومستقبلي وكل ما فااات

يا اجمل قصيدة حب في قلب شاااااااعر

علموه من غاب عني لا يطول في غيابه
علموه إني اموت بغربته واحيا جدابه
وان هذا الكون كله عقب ماقفا خرابه
علموه بدمعي اللي هلته عيني صبابه
علموه بكل جرح في خفوقي من سبابه
علموه بحالي اللي عنه غافل مادرابه
صرت انا وهموم ليلي والحزن فينا تشابه
وبيني وبينه الألم والياس والغربه غرابه
علموه إن كان يرضى صاحبه يفنى شبابه
يتغللى ويستمر بدربه اللي هو مشابه
يبتعد ويرحل لايفكر في إيابه
لا يهمه حال خله دام ماهمه عتابه
لا يهمه ماوصل له من رسايل او كتابه
دام مافي باله اصلا لسؤالي أي أجابه
وإن نوى الموت لخفوقي وش بقى فيني هلابه
يمكن أرحم لي ولكن ادفنوني عند بابه
دامني محروم شوفه يكفي يحضني ترابه

تشك بحبي لك و أنا إلي حبي لك بلا مقياس .. أفـــا
تشك بحبي لك و أنا إلي حبي لك بلا مقياس
وتشك فيني و أنا إلي حالف بدنياي ما أخونك
غريبة حالت الدنيا
غريبة لعبة الإحساس
كثر ما تصون لهم عهدك كثر ما هم يخونونك
أنا يا الغالية شارب من أحساسك و عطفك كأس
أنا أذكرك دايم يوم كل الناس ينسونك
أنا كلي محبة من طرف رجلي إلللللين الرأس
أنا وان كنتي ما تدرين يقولون عني مجنونك
أنا ما عندي مانع بس على شانك أخاوي الياس
أنا إلي لو تناديني بأعلى صوت أقول عونك
خلاص أصحي من أوهامك و أنسي الهم و الهوجاس
و غيري كل تظراتك و كذبي أغلب ضنونك
بقولك شي سمعي زيين و خلي عنك الوسواس
يا أطهر من مشى على الأرض أنا ما أعيش أبد دونك
و حق الله أحبك موووت و شوفك في عيون الناس
و حتى فيه بعض الأوقات أشوف الناس بعيونك

لو كل غايب عن عيوني نسيته 000 والله لعيش العمر إنسان معزول


لا تفكر رقمك نسيت ومحيته 000 قل اتصالي عنك لاهي ومشغول


انته حياتي وانت اللي هويته 000 وانته بقلبي مرتبط بي وموصول


انته حبيبي وانته اللي بغيته 000 والظفر مايطلع من اللحم ويزول


دايم واضح واشرح اللي شكيته 000 بالطف بالرقه بكل قول معسول


مادام قولك بالعتاب ابتديته 000 الله يسامح ظرف البعد مسؤول


ادري تحبني بش شلي جنيته 000 مزيون لكن عندك لسان هالطول


تسوى من لاشيء شيء لقيته 000 كنك تدور غلطتي قبل لا قول


ترضى حبيبي تهدم اللي بنيته 000 ترضى تعيش بعالمي شخص مجهول


ما كل صعب لجل عينك رقيته 000 واللي طلبته صار بيدك مذلول


شلي طلبته ايش وانا نهيته 000 شلي طلبت وقلت لك غير معقول


مقدر اسامح كل شيء نويته 000 والعذر في هذا الخطأ غير مقبول


والبعد عنك ما أذكر إني طريته 000 حتى بعز النوم شفتك يا مهبول


دام الفكر وياك وانت خذيته 000 وانته في قلبي دايم تصول وتجول


اسحب كلامك طاوع اللي عصيته 000 لا تترك الاوهام من حبنا تنول


ابيك تذكر شيء واحد نسيته 000 انك في بالي ياحبيبي على طول

وش تسوي لو عشقت انسان ماهو من نصيبك ..
--------------------------------------------------------------------------------



وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!


وشهو ذنبك لو غدى من بين خلق الله حبيبـك
تعرف إن قربه محال .. و قلبك مصمم يحبه ؟!

و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه!!


كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتب بـه !!


كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه

و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه


ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه


وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!

ايـــــــام عـــمــري ]





صعبه اعيش ايام عمـري بليـاك
وانت الحياة بدون شوفك كآبـه
تعال خذني لاخر حـدود دنيـاك
مليت اقاسي من زماني عذابـه !!
حاولت لكن ما تحملـت فرقـاك
بُعدك عذاب وفي حضورك مهابه !!
للشوق فيني شي لا ماعتقد جـاك
حوّل حياتـي للملـل والرتابـه
أوقات اشوف ان الغلا ما تعـداك
واحيان احس ان الهوى للغلابه !!
بين المحال وبيـن خافـي نوايـاك
حار السؤال ولا لقيت الاجابة !!
كانك تقول هموم وقتـك تقفـاك
وش حيلة اللي صار همـه زهابـه
يطرد سرابك في متاهات رجـواك
نفس الطريق اللي مشيته مشابـه
قلب ٍ يحبك كيف يسلا وينسـاك
ماللفضاء لو شفت دونك رحابـه
خليتني عايش على حـد الادراك
مثل الجريح اللي تمـادى صوابـه
ماحد ٍ ملأ عيني من الناس لـولاك
في غيبتـك كـل الاوادم تشابـه
هذا الشعور اللي من اقصاي ينخاك
يبي القليل ومـا عطيتـه رضابـه
كل القصايد داخلي همها ارضـاك
حبك مدادي لا بغيـت الكتابـه
أجيك كلي يـوم كلـي فدايـاك
كلش يهون الا الحبيـب وغيابـه
رد الوفاء والحـب للـي تمنـاك
قفّى العمر واحلى ليالـي شبابـه
جاتك مشاعر مالها غيـر شـرواك
دامك ملكت الروح وين الغرابـه

اذكريني .. يا الحبيبـة .. لا نويتـي ترحليـن
ولا نوى خـدك يلامـس .. كـف إيـدك .. اذكرينـي
اذكري ذيـك الليالـي .. يـوم كنتـي تهمسيـن
في كلامـ مـا اعرفـه .. بـس كنتـي تطربينـي!!

اذكري وقت الطفوله .. اذكري الماضي الحزيـن
اذكري وقـت التلاقـي .. وكيـف كنتـي تذهلينـي!!
كانت اوقاتي جميله .. وكان وقتـي بـك يزيـن
والدقايـق فـي حضـورك .. احتضنهـا يـا حنينـي
احسب اللحظات .. خايف .. من زمن قاسي يشين
يقلب اللحظات .. ذكـرى .. بعدهـا يبـدى الونيـــن

آهـ.. من حب الطفوله .. به براءه مـع حنيـن
حب صادق .. حب خالد .. صاحبـه دايـم حزين ؟؟
لا كبر حبـه بقلبـه .. والعمـر اصبـح رهيـن
ارتهـن عمـره بقلبـه .. وابتـدى وقتـه يشيـن
ذاااك هو حبي وشوقي .. ذاااك هو عمري الدفين
خلى احزاني بشعري .. وخلـى شعـري يهتوين !!

تذكري أول قصيده؟؟ .. وكيـف كنتـي تستحيـن
مـن غـزل طفلـن تولـع واهتـوى ذاك الجبيـنـي
كانت اشعـاري تحـب اللـي تحبـي وتعشقيـن
حلاااااة الشعر .. لا صرتـي قبالـي .. وتسمعينـي
ارسم بيوتي بوصفك .. واكتب اسمـك بالجبيـن
ولا لمحتك انبهرتي .. عـدت بيتـي بكـل حنينـي !!

تذكري آخر قصيـده؟؟ يومـك إنتـي تهمسيـن
قلتـي إن الشعـر نايـف .. نايـف قلبـه يبين ؟؟
كانت افكاري تحـاول .. والحيـا يخجل من الحنيـن
كنت أبي اوصف شعوري .. وحبـك اللـي محتويني
ودارت الأيام وصرنـا .. فـي متاهـات السنيـن

آهـ.. ليت الحلم طول .. ولا صدم حلمـي يديـن
كانت تلوح لشخصـن .. اعرفـه .. مـا يشتهينـي!!
حاولت عيني تكذب ما رأت ( هل هـو يقيـن ) ؟
او خيال .. او .. هو .. مجرد غيره صورها الحنين
وانطلق شعري بثوره .. انطلـق شعـري بأنيـن .!
يلهب القيفان حرفـي .. فـي لحـن عاشـق حزينـي
كنت انا ارجي إجابـه .. أو علامـه .. بكلمتيـن
عمري انت .. أو .. حبيبي .. المهم وش توصفيني؟؟
وانصدم شعري وقلبي .. مـن إجابـة هالرزيـن

قالت شقصدك يا شاعر .. من شعـر ميـت بعينـي!!
اترك احلام الطفوله .. وانسى كل ماضي حزيـن
كل ماضي فـي حياتـي .. انتهـى .. بينـك وبينـي
وانطعن قلبي بقولـه .. ماهـي طعنـه طعنتيـن
طعنتاًً في وسـط قلبـي .. والظهـر مطعـون فينـي
كيف .. ولماذا.. اخترتي هذا .. وإنتي اللي تحلفين
بـان قلبـك مهتوينـي .. ويـن قلبـك يـا ضنينـي
كيف ضيعتي المحبه .. والمشاعـر .. والسنيـن
اللي كانـت فـي حضـورك تهتويـك .. وتهتوينـي
يعنـي صدقتـي كلام بثه نذلـن لعـيـن

كـان همـه إنكسـاري .. وهـدم حلمـن يحتوينـي
بكره الايام تبدي .. وكـل خافـي .. لـك يبيـن
والعذول اللي غـدر بـي .. والله إن دينـه يدينـي !!
وصارت اشعاري تداوي جرحي الخافـي الدفيـن
يا هلا بالشعر واهله .. يـا هـلا .. بصاحـب يبينـي
اذكريني يا الحبيبه .. بكل لحظـه .. وكـل حيـن
ولا قريتي هالقصيده .. حاولـي بـس .. تذكرينـي !!